Электроника

МБУК "Сернурская ЦБС"
 
21 | 10 | 2018
Главное меню
Виртуальная справка
Наш опрос
Счетчик посещений

Чылдемыр книгагудышто акций

        Шарнымаш... Шарнымаш дене айдемын илышыже пеҥгыдын кылдалтын. Шарнымаш - тиде ожнысо, кызытсе, ончыкылык кокласе кыл. Шарнымаш туныкта да ӱжеш, ӱшандарен осал деч кораҥда, ӱнарым пуа, ӱшаным шочыкта.


         Садлан калык шке историйжым шарнен, пойдарен да саклен илышаш.  Тиде пашаште библиотека ик эн ончыл верым налеш, шонем. Кызытсе социумышто библиотекылан историй, краеведений дене кылдалтше материалым погымо, аралыме да калык деке шуктымо паша ойыралтеш. Кугу Ачамланде сар тиде радамыште эн ончылно лийшаш. Чылдемыр кундемна гыч сарышке 620 еҥ каен, тышечын 255 фронтовик сареш вуйжым пыштен. Жапым пӧртылташ огеш лий: тиде шучко событийым шке шинчашт дене ужшо-влак шагалемыт - мемнан поселенийыште ик ветеранат кодын огыл, но калыкын шуктымо подвигше мондалтшаш огыл. Ала-кӧ тиде пагытым мондаш ӱжеш, ала-ко историйым вес семын возынеже, садлан эн кугу да поро задачына - ты сар нерген историйын чынжым шарнаш, шарнымынам серен кодаш, кушкын толшо тукымлан аралаш пуаш. Чылдемыр книгагудын фондыштыжо «Сар корно» альбом 2015 ий гыч чумыралтеш. Тиде - мемнан кундемысе фронтовик, тылыште тыршыше-влак нерген шымлымаш паша. Альбомысо материал кажне ийын ешаралт толеш:  тунемше-влакын пашашт, фронт гыч серыш-влак, архив гыч материал, очерк, сочинений, шарнымаш-влак шке верыштым налыт.  4 май, тунямбалсе акций кечын, ме тиде альбом гыч «Ӱдырамашын салтак корныжо» - Тумерсола ялын ветеранже Елена Григорьевна Шапкина, пелашыже Владимир Яковлевич Шапкин нерген «Разведчик Владимир Шапкин» очерк-влакым лудынна. Йоча-влак альбомым пеш тӱткын, аклен онченыт, очерк-влакым шӱмыш пыштен колыштыныт.

12 1

   11 1

13 1

14 1


Богданова Р.С., Чылдемыр книгагудо вуйлатыше

                                                                                                                                                                                     

 

 

 



 

 


 

 

 

Форма входа

Между прочим
Погода в Сернуре