Электроника

МБУК "Сернурская ЦБС"
 
15 | 11 | 2018
Главное меню
Виртуальная справка
Наш опрос
Счетчик посещений

Ужам тора гыч Тоски ялым…

            Тоски ялын эргыже Антонов Ивукын шочмыжлан 6 сентябрьыште 100 ий теме. Ме чыланат тудым поэт да кусарыше семын шарнена. Тудын «Кунам окна ончыл куэм оралга…» почеламут корнылаже эрелан ушешна кодын.

          Юбилейжылан пӧлеклалтше мероприятий Мустай библиотека пелен эртыш. ШочмоТоски ялышкыже миен савырнен, шуко уым пален налаш да ужаш логале. Тидлан мыланна В. С. Токтаров уло кумылын полшыш. Сурт олмыжо, сад-пакчаже, Ивукын шынден кодымо олмапу ден пызлыже тачат поэтым шарныктат. Мероприятий умбакыже библиотека пелен шуйнен. Мустай школын тунемшыже-влак иквереш чумырген, поэтын илыш корныжым, каласен кодымо шарнымашым тӱткын колыштыныт да почеламут корнылажым лудын пуеныт. Александра Григорьевна Игнатьева, Тоски ялын 92 ияш кувавайже, поро мут дене шке землякшым шарналтен.     Анатолий Мамаев, поэтын тукым гыч, юбилейлан лӱмынак «Поэтым шарналтен» вуймутан мурым возен да сылнын гына йоҥгалтарен. Мучашлан, чыланат ик ойыш ушнен, шочмо ялешыже шарнымаш кӱм вераҥдаш кӱлмӧ нерген мутым лукна. Тӱшка вий дене землякнан вес юбилей кечыжлан тиде паша шукталтеш манын, ӱшаныме шуэш.

35 1  36 1

38 1  37 1

 

 

 

 



 

 


 

 

 

Форма входа

Между прочим
Погода в Сернуре